Breaking

Mazar par jana kaisa hai hadees

Mazar par jana kaisa hai hadees

मज़ार दरगाहो पर सजदा और शिर्क के इलज़ाम का जवाब.

Sabse pehle to ye jaan lena jaruri hai ki tamaam ebadate sirf aur sirf Allah Ta-Aala ke liye hain, Allah Paak ke siva koi bhi ibadat ke laayak nahi hai Aur ussi tarah Sariyat e Muhammadi (SallallahuAlaihiwasallam) mein Bhi Sajda sirf Allah azzawajal ke liye hi hai, Musalmano Aur khaas kar ke Ahle sunnat wal jamaat mei (Sunni-Bareilvy) ka bhi Aqeeda Alhamdulillah yahi hai, Imaam e Ahle sunnat Ala hazrat Alaihirahama Gair Allah ko sajde ke mutallik irsad farmate hain ki, "Sajda Allah ke siwa kisi ke liye nahi hai" Gairullah ko sajdah e ibadat sirk hai Aur sajdah e Taazimi haraam hai.
Mazar par jana kaisa hai hadees
Mazar par jana kaisa hai hadees
(Hawala : Ajjubadtuj Jakkiya , Page No 5)
Kuch log jo ye ilzam lagate hai ki musalman (Sunni) mazar par jaakar gairullah ko sajda karte hain Aur iss tarah sirk karte hai, Kya wakehi musalmaan (sunni) Mazaro-Dargaho par jaakar Sajda e Ebadat kar sirk karte hai ? Iska jawab dene se pehle yeh Hadeesh mulaheja farmaaye, RasoolAllah sallallahu alaihi wa-aalehi wasallam ne irsad farmaya ke "Mujhe iss baat ka khauf nahi ke tum mere baad sirk karoge Magar yeh ke tum aapas me Bugz rakhoge" (Hawala : Sahih Bukhari , Jild 2 , Hadis no 6102)

Nabi e Paak jaante they ki kuch log musalmano par sirk ka ilzam lagayege, iss liye bilkul saaf kar diye ki ummat sirk nahi kar sakti. Ab sajde ki hakikat dekho "Sajde ki 2 Kisme hoti Hai" (1) Sajda e Ebadat (2) Sajda e Tazimi sajda e ibadat Allah ta-aala ke siva kisi ko bhi karna sirk hai, Aur sajda e tazimi (Jo pichli sariyato me jaez tha) Lekin Maujuda sariyat me haraam hai, Yaani aaj ke daur me sajda e tazimi haraam hai. Ab baat karte hai sajde ke liye kuch shart (शर्त) hai.
Pehli shart, (1) Niyyat : kisi bhi kaam karne me niyyat (Niyyat dil ke iraade ko kehte hai) ho, niyyat yeh hai ki koi kis niyyat se koi kaam kar raha hai, "Daleel" Bukhari sharif ki pehli hadis hai ki "Innamal Aamalo Bin Niyyate" Yaani Amal ka daromadar niyyat par hai (Hawala : Sahih bukhari , Jild 1 , Hadish no 1)
(2) Sajde ki dusri sharte ye hain Sajdah karte waqt 7 haddiyon (हड्डी) ka zameen se milna jaruri hai, "Daleel" Hazrat ibne Abbas - radiallahuanho se riwayat hai ki Rasoolallah sallallahu alaihi wa-aalehi wasallam ne irshad farmaya ki "Allah ki taraf se mujhe hukm huva ke 7 haddiyo par sajda kiya jaaye Aur namaz me kapda ya balo (बाल) ko na moda jaaye (7 haddiya ye hai) Peshani aur Naak, Dono haath, Dono ghutne Aur Dono paav. (Hawala : Sahih muslim , Hadeesh no 995 / Sahih bukhari, jild 1 , hadish no 773)
Ye sajde ki khaas sharto (शर्तो) mei se hai Aaj kal kuch na samaj Aur kamm ilmi wale agar kisi ko jhukta huva bhi dekhey to Sirk - Sirk chillana suru kar dete hai, Bhaley hi koi jhuk kar mazar ko bosa hi de raha ho, koi bhi musalman jissey Deen-e-islam ki samajbuz hai woh mazar par sajda nahi karta, Aur agar laakho me koi jahil aisa karta huva dikhta bhi hai to bhi hum Bagair kisi tehkik kiye Aur uski niyyat jaane bagair uss par shirk ka fatwa nahi laga sakte, Sabse pehle ussay puchhna padega ki woh kya kar raha tha ? Agar wo kahe ki sajda kar raha tha Fir ussey poocha jaega ki konsa sajda ? sajda e ibadat ya sajda e tazimi ? Agar woh kahe ki tazimi to usko samjhaya jaega ki woh Aisa na karey, ki ye islam me haram hai. Lekin ab bhi iss par sirk ka fatwa nahi lagega Aur sajda e ibadat musalman sir o sirf Allah ta-aala ke liye hi karta hai.

Yaad Rahe : Bagair koi tehkik kiye ya kisi ki niyyat jaane bagair ussey jhukta huva dekh kar ya zameen ko bosa deta dekh kar kisi ko kafir o mushrik kehna aur uss par sirk ka ilzam lagana sakht jahalat hai, Aur aisa karne wala khud mushrik ho jata hai. iss hadees ki roshni me agar kisi ne mahaz mazar par bosa dena ya jhookta huva dekh kar kisi musalmaan ko kaafir ya mushrik kaha to woh khud kaafir o musrik ho jaega, Iss liye bad-gumani se bachey aur musalmano par sirk ka ilzam lagane se baaj aa jaaye Aur muslaman (Sunni) ko bhi iss baat ka khaas khyal rakhna chaiye ki Hamey Mazaaraat par jaana hai magar mazar par Auliya e kiraam ke dar ki hazri ke Aadaab aur Dua ka sahih tarika (Jo Sariyat e muhammadi) sallallahuAlahiwasallam Aur Sariyat e islam ke mutabik ho ussi tarah Mazar par pesh aana hai.




No comments:

Post a Comment

Www.islamicweb.site

"Our website/blog does not use any copyright protection" "Our website/blog adheres All the terms And conditions of Google" " All the articles/posts on this website are unique. And does not permit any of wrong thing"